Зошто постоиме? (мисија)

 

Постоиме за да развиваме и споделуваме вредности и принципи за одржлив развој и да овозможуваме едукација и практични решенија за заштита на животната средина. 

 

Каква ни е визијата за светот? ( долгорочна визија)

 

Свет во мир каде луѓето живеат во целосна хармонија со природата. 

 

Каква ни е визијата за 2020 година?

 

Меѓународна организација која ги инспирира младите луѓе да го развијат својот лидерски потенцијал за заштита на животната средина и одржливото живеење.

 

Која е суштината на организација? (вредности)

 

Суштината на организацијта претставуваат вредностите и Гоу Грин искуството кое им се овозможува на сите членови и корисници на организацијата.

 

Гоу грин искуството се состои од 5 фази и тоа: запознавање со Гоу грин, превземање одговорност, лидерство и менаџмент, меѓународно искуство и долгорочна поврзаност. Целта е преку активирање во организацијата да се добие искуство со кое ќе се развијат клучните вредности кои веруваме дека придонесуваат за позитивна промена во општеството. Цветко Биди Зелен е зелениот агент на позитивна промена кој ги поседува сите вредности: 

 

Интегритет 

 

Нашето однесување е усогласено со нашите вредности. Способни сме да ги одржиме 

ветувањата кои ги поставуваме кон себеси и останатите со што си ја зголемуваме 

самодовербата и довербата на другите кон нас. 

 

Храброст

 

Способни сме да реализираме идеја и да се издигнеме над просечноста. Го браниме 

својот став, мислење и постапуваме правилно под притисок на неправда и 

обесхрабрување.

 

Иновативност

 

Способни сме да имаме перспектива која додава вредност на сегашната ситуација. 

Имаме перцептивен и креативен ум кој гледа решенија и предизвици, наместо 

проблеми.

 

Емоционална интелигенција

 

Способни сме да развиваме позитивни односи со различни луѓе и карактери. Свесни сме 

за емоциите и знаеме да ги контролираме. Ја цениме разновидноста и тимската работа.

 

Општествена одговорност

 

Одговорни сме кон околината, нашите одлуки немаат негативно влијание врз животната 

средина. Свесни сме дека сме дел од интегриран систем и се однесуваме во согласност 

со принципите на тој систем.